"Арсенал" бош мураббийи Микель Артета жамоасининг ўйини ҳақидаги саволларга жавоб берди.

“Стандартларга боғлиқликми? Биз ўйиндан ҳам, стандарт вазиятлардан ҳам кўпроқ имкониятлар яратмоқчимиз. Ростини айтсам, биз стандартлардан кўпроқ гол уришимиз мумкин эди, шунинг учун биз доимо ривожланишга ва яхшироқ бўлишга ҳаракат қиламиз.

Ротация остида ҳимоя ўйнайсизми? Ўйинимиздан мамнунман, таркибдаги ўзгаришлар ўйинимизни ўзгартирмагани маъқул. Ўйинчилар турли позисияларда ўйнашга мослашиб бораётгани ажойиб. Албатта, умид қиламанки, ҳамма тез орада тайёр бўлади ва биз оптимал таркибда ўйнай оламиз", - дея Артетанинг сўзларидан иқтибос келтиради "Арсенал" матбуот хизмати.