Антуан Гризманн кетма-кет бешинчи ўйинда гол урди.

Мадриднинг "Атлетико" клуби форварди Чемпионлар лигаси умумий босқичининг 6-турида "Слован Братислава" (3:1, иккинчи бўлим танаффус) дарвозасини икки бор ишғол қилди.

Шу тариқа, француз ўзининг голли сериясини 5 ўйинга етказди (7 та гол).

33 ёшли футболчи мавсумнинг барча турнирлардаги атиги 23 та учрашувида 11 та гол ва 6 та голли узатмани амалга оширган.