Лондоннинг "Арсенал" клуби вингери Букайо Сака яна сермаҳсул ҳаракат қилди.
23 ёшли футболчи бугун Чемпионлар лигаси доирасида "Монако"га қарши ўйиннинг 34-дақиқасида ҳисобни очди. Squawka хабарига кўра, Сака жорий мавсумда "канонирлар" сафида барча мусобақаларда 21 та ўйинда 19 та голда иштирок этган (8 гол ва 11 голли узатма). Англия Премьер-лигасининг барча вакиллари орасида фақат "Ливерпуль"дан Муҳаммад Салоҳ янада ажойиб кўрсаткич билан мақтана олади – мисрлик 28 та голда бевосита иштирок этган.
Букайо Саканинг аниқ зарбаси "Арсенал" - "Монако" учрашувининг биринчи бўлимида ягона бўлиб қолди.
