«Интер» ярим ҳимоячиси Николо Барелла жамоани тарк этиш ниятида эмаслигини айтди.

«Мен доим «Интер»да қолишни хоҳлаётганимни айтганман. Футболда ҳамма нарса бўлиши мумкин, аммо «Интер»нинг жиддий лойиҳаси бор, мен бу ерда ажойиб нарсага эришиш имкониятини кўрмоқдаман. Мен кетишим мумкинлигини хаёлимга ҳам келтира олмадим, таклифлар бўлган-бўлмаганини ҳам билмайман, чунки мен агентим билан буни муҳокама қилмаганман. Умид қиламанки, клуб менинг позициямдан мамнун. «Интер»га янги шартнома учун фақат раҳмат айтишим мумкин, умид қиламанки, биз бундан ҳам яхшироқ ўйин кўрсатамиз», - дея Барелланинг сўзларини келтиради «DAZN».

27 ёшли италияликнинг «Интер» билан шартномаси 2029 йилнинг 30 июнига қадар амал қилади.