Мадриднинг "Реал" клуби ярим ҳимоячиси Арда Гюлер жамоасини тарк этиш ниятида эмас.

Унинг асосий таркибда камдан-кам ўйнагани учун миш-мишлар туркиялик футболчини январь ойида ижарага берилиши мумкинлиги ҳақида гапирмоқда. 19 ёшли ўсиб бораётган юлдузга Леверкузеннинг "Байер" клуби қизиқиш билдирмоқда, бироқ шартнома имзоланиши даргумон. Инсайдер Фабрицио Романонинг фикрича, қишки трансфер ойнасида Гюлерни ўзига жалб қилиш ниҳоятда қийин бўлади. Футболчига "Реал" ёқади ва қолишни истайди.

Арда Гюлер бу мавсумда "Лос Бланкос" сафида 18 та ўйинда майдонга тушиб, битта гол ва биттадан голли узатмага муаллифлик қилган.