"Интер" марказий ҳимоячиси Алессандро Бастони бу мавсумда нимага эришмоқчи эканлиги ҳақида гапирди. Охирги мавсумда “нерадзуррилар” 20-марта А Серия чемпионлигини қўлга киритди.
"Агар танлашга тўғри келса, 21-скудетто ўрнига бу мавсумда Чемпионлар лигасининг финалини афзал кўрган бўлардим. 2023 йилда Истанбулда бизга озгина омад ва тажриба етишмади. Энди биз бу даражада ўйнашга ва ғалаба қозонишга қодир эканимизни биламиз", - деди Бастони.
Жорий Чемпионлар Лигаси умумий босқичининг олти туридан сўнг “Интер” 13 очко билан турнир жадвалида олтинчи ўринда бормоқда.
