"Ливерпуль" ҳимоячиси Трент Александр-Арнольднинг "Реал"га ўтиши ҳақидаги миш-мишлар давом этмоқда. 26 ёшли футболчининг ўзи келажаги мавзусига изоҳ берди.
"Мен клубда 20 йилдан бери ўйнаяпман. Шартномамни тўрт-беш марта янгиладим ва янгиланишларнинг ҳеч бири очиқ эмас эди. Бу сафар ҳам бундай бўлмайди", деди Трент Sky Sports нашрига.
Шу билан бирга, футболчи бор эътиборини жорий мавсумда "Ливерпуль"да ўйнашга қаратганини таъкидлади.
"Ўйлайманки, биз совринларни қўлга киритамиз. Биз дунёнинг энг яхши жамоаларини мағлуб эта оладиган даражада эканлигимизни кўрсатдик", - деди Александр-Арнольд.













