"Нефтчи" сафига яқинда қўшилган Муҳаммадали Ғиёсов клуб матбуот хизматига янги мавсум олдидан ўзининг фикрларини ўртоқлашди.
"Нефтчи" ўзбек футболида шонли тариҳга эга клублардан бири. Охирги йилларда жамоанинг мавқеини тиклаш учун ҳаракат кетаётганини биламан. Шуни инобатга олиб мен таклифни фарғоналиклар сафида бўлишни лозим топдим.
Атрофимдагилар ҳар доим водийда футбол ўйнаш қийинлигини таъкидлашади. Мен бунга ишонмайман. Фарғона аслида миллий футболимиз ватани ҳисобланади. Шу боис мен Фарғонада тўп суришни истайман. Катта марраларни кўзлаган ҳар бир футболчи кучли рақобатни ҳис қилиши ва катта босимни енгиб ўтиши керак.
"Нефтчи" таркиби чинакамига кучайтирилмоқда. Менимча, бу ҳали ҳаммаси эмас... Янги мавсум клубда бўлгани каби менинг ҳам мухлислар олдида исботлашим керак бўлган жиҳатлар бор. Худо хоҳласа, ҳаммаси биз учун ижобий якун топишига ишонаман.
Мухлислардан битта нарсани сўраган бўлардим. Бизни ҳар доим қўллаб-қуватлаб туришсин. Муҳими, ҳар доим стадионга ташриф буюришсин. Футбол улар билан гўзал. Биз уларни хурсанд қилиш учун қўлимиздан келган ҳамма нарсани қиламиз", - деди Ғиёсов.
