"Милан" ҳужумчиси Рафаэль Леау жамоа бош мураббийи Пауло Фонсекани қўллаб-қувватлади.
Португалиялик мураббийга нисбатан босим "Женоа"га қарши ўз уйида ўтказилган голсиз дурангдан сўнг кучайган.
"Бу вақт талаб этадиган жараён.
Мураббийнинг талабларини тушуна бошлаяпмиз, лекин баъзи нарсаларга фақат биз, футболчилар жавобгармиз.
Масалан, рақиблар дарвозаси олдидаги ишонч, ҳужумларни якунлашдаги қарорларимиз. Бу ўзимизга боғлиқ.
Мураббийнинг яхши ғоялари бор, унга фаол босим керак, шахсан мен у ишлаганда фарқни ҳис қиламан. Бугунги дурангни фалокат деб қабул қилманг - ғалаба яқин эди.
Биз бирдам бўлиб, ишлашда давом этишимиз керак", - дея Леаунинг сўзларидан иқтибос келтиради Football Italia.
