"Манчестер Юнайтед"нинг футболчиси Маркус Рэшфордга ҳали топ-клубларнинг ҳеч бири қизиқиш билдирмади. Бу ҳақда Sky Sports хабар бермоқда.
Манбага кўра, ҳеч бир жамоа англиялик футболчини майдондан ташқаридаги шов-шувли хатти-ҳаракати ва катта маоши (ҳафтасига 365 минг фунт стерлинг) туфайли сотиб олмоқчи эмас. Шунингдек, футболчи айни дамда энг яхши жисмоний формада эмаслиги хабар қилинган.
Ўтган мавсумда Рэшфорднинг жамоага ўтишига қизиққан Франциянинг "ПСЖ" клуби ҳам футболчига шартнома таклиф қилишга тайёр эмас.
Эслатиб ўтамиз, аввалроқ "қизил иблислар" вингерни қишки трансфер ойнасида сотмоқчи экани маълум бўлганди. Рэшфорд жорий мавсумда 24 та ўйинда иштирок этиб, 7 та гол урди ва 3 та голли узатмани амалга оширди.
