Килиан Мбаппе қитъалараро кубок финалида иштирок этишга тайёр.
Marca хабарига кўра, "Реал" ҳужумчиси Чемпионлар лигасининг 6-турида "Аталанта"га (3:1) қарши ўйинда олган жароҳатидан тўлиқ фориғ бўлди.
Бугун Мбаппе шифокорлар ва мураббийлар штаби билан "Пачука" билан ўйиндаги эҳтимолий иштирокини муҳокама қилди ва франциялик футболчига эртанги ўйинда майдонга тушишга рухсат берилди.
Қайд этилишича, Мбаппенинг "Реал"нинг асосий таркибида майдонга тушиши истисно этилмаган. Карло Анчелотти ва унинг ходимлари ўйиндан олдинги машғулот натижаларига кўра бир қарорга келишади.
