"Манчестер Юнайтед" вингери Амад Диалло тез орада клуб билан шартномасини узайтириши мумкин. Бу ҳақда ESPN хабар бермоқда.
Манбага кўра, "Манчестер Юнайтед" раҳбарияти 22 ёшли футболчи билан янги узоқ муддатли шартнома тузишга яқин турибди.
Қайд этилишича, ҳар икки томон ҳам музокараларнинг боришидан қониқиш ҳосил қилади, шу боис узайтириш ҳақидаги расмий эълон 2024 йил охиригача амалга ошиши мумкин. Диалло 2021 йилнинг январидан бери "Манчестер Юнайтед"да ўйнамоқда.
Жорий мавсумда футболчи барча турнирларда 23 та учрашувда иштирок этиб, 4 та гол урди ва 6 та голли узатмани амалга оширди.
