"Барселона" икки юлдузли футболчига ультиматум қўйди.
Diario Sport хабарига кўра, каталонияликлар ҳимоячи Рональд Араухо ва ярим ҳимоячи Френки де Йонгни шартномаларини мавсум охиригача узайтириш зарурлиги ҳақида огоҳлантирган. Акс ҳолда бу футболчилар сотувга қўйилади.
Қайд этилишича, уругвайлик ҳам, нидерландиялик футболчи билан ҳам мулоқот ижобий кечмоқда ва иккаласи ҳам жамоада қолишни истамоқда.
Хабарларга кўра, "Барселона" яна ярим ҳимоячилар Гави ва Педри билан янги шартномалар тузишга яқин турибди. Принципиал келишувга эришилди.













