"Бавария" ярим ҳимоячиси Жамол Мусиала ўтаётган йилдаги севимли хотиралари билан ўртоқлашди.
21 ёшли футболчи Мюнхен суперклуби ва Германия терма жамоаси билан бирорта соврин ютмади, аммо у эслаши керак бўлган нарсаларни топди.
"Бахтли хотира? Чемпионлар лигасининг чорак финалида "Арсенал" билан бўлган қарама-қаршилик. Шунингдек, Мадридда "Реал" билан ярим финалда Фонзининг (Альфонсо Дэвиснинг) голи биз 1:0 ҳисобида олдинга чиққанимизда.
Бундан ташқари, мен бутун Европа чемпионати - ҳар бир гол, ҳар бир мухлислар учрашуви бахт онлари бўлди, деб айтардим. Менинг Шотландияга қарши биринчи ўйиндаги голим, 1/8 финалда Дания устидан ғалаба. Мен Испанияга қарши ўйиндан олдин бахтиёр эдим," - деди Мусиала Sport Bild нашрига берган интервьюсида.
