"Интер" ҳужумчиси Маркус Тюрам жорий мавсумни қандай баҳолашига жавоб берди. "Нерадзуррилар" А Серияда учинчи ўринда, бир ўйин билан пешқадам “Аталанта”дан 3 очко ортда қолмоқда.
"Бу мавсум ажойиб ўтмоқда, мен аллақачон кўп гол уришга муваффақ бўлдим. Ҳа, биз ҳали ҳам ўзимиз хоҳлаган даражада эмасмиз ва ҳали ўтган мавсумдаги даражага етганимиз йўқ, аммо машаққатли меҳнат билан ўзимизнинг энг яхши формамизга қайтамиз", деди Тюрам.
Пайшанба куни Италия кубоги 1/8 финалида “Интер” ўз майдонида “Удинезе”ни қабул қилади.
