Лионель Месси ижтимоий тармоқларида бугунги махсус кун ҳақида пост қолдирди. Бундан роппа-роса икки йил аввал, 2022 йилнинг 18 декабрь куни Аргентина терма жамоаси жаҳон чемпионатида ғолиб чиққанди. Ўшанда финалда «Альбиселесте» 3:3 ҳисобида дуранг ўйнаб, пенальтилар сериясида Францияни мағлуб этди.
«Мен декабрь ва Рождество байрамларини яхши кўраман. Икки йил олдин, йилнинг сўнгги ойи аччиқ бўлиши мумкин эди, аммо бу менинг спорт фаолиятимдаги энг ажойиб ой бўлди. Ва энди ҳар декабрда бу хотира менга қайтиб келади. Барчангизни чемпионлигимизнинг иккинчи йили билан табриклайман!», - деди Месси.
Клуб даражасида Лионел Месси ҳозирда «Интер Майами» шарафини ҳимоя қилмоқда. Ҳозирда МЛС мавсуми ва Месси дам олиш вақтидан.
