"Ливерпуль" бош мураббийи Арне Слот турнирнинг ярим финалига чиққанидан кейин Лига кубоги ҳақида гапирди. Нидерландиялик мутахассиснинг сўзларига кўра, жамоа ушбу совринни ҳимоя қилмоқчи.
"Биз кубокни ҳимоя қилишимиз керак, чунки клуб ўтган мавсумда совринни қўлга киритган эди. Мен унда иштирок этмадим, лекин бу футболчилар шу ерда эди ва, албатта, Юрген Клопп ўз ходимлари билан шу ерда эди. Клуб сифатида биз барча совринлар учун курашмоқчимиз. Лекин биз "Арсенал", "Ньюкасл", "Тоттенхэм" ва "Манчестер Юнайтед" ҳақида ҳам биламиз. Рақобат, албатта, катта", деди Слот.
Ўтган мавсумда "Ливерпуль" Лига кубоги финалида "Челси"ни қўшимча бўлимлардан сўнг 1:0 ҳисобида мағлуб этганди.
