Мадриднинг «Реал» клуби «Ливерпуль» ҳимоячиси Трент Александер-Арнолдни ёзги трансфер ойнасида ўз сафларига қўшиб олишдан умидвор. Бу ҳақда Caught Offside нашри хабар бермоқда.

Манбанинг маълумотига кўра, «Қироллик клуби» 26 ёшли футболчига тўрт йиллик шартнома ва яна бир йилга узайтириш имкониятини таклиф қилган. Шу билан бирга, «Ливерпуль» ҳам ўхшаш шартларни таклиф қилиб, футболчини сақлаб қолишни режалаштирмоқда.  

Айтилишича, Александер-Арнолд ҳали ўз келажаги ҳақида якуний қарорни қабул қилмаган. Бироқ, «Реал» ушбу трансфер бўйича ижобий натижага ишонаётганини маълум қилган. Ҳимоячининг амалдаги шартномаси келаси ёзда якунланади.