"Челси"нинг ўнг қанот ҳимоячиси Рис Жеймс "Манчестер Юнайтед" ярим ҳимоячиси Мэйсон Маунтни қўллаб-қувватлади.
Иккала футболчи ҳам мунтазам равишда жароҳатлардан азият чекмоқда. "Қизил иблислар" ярим ҳимоячиси яқинда "Манчестер Сити"га қарши дербида жароҳат олиб, яна сафдан чиқди.
"Кўпчилик сизни нималарни бошдан кечираётганингизни тушунмайди, лекин мен ҳам бирин-кетин шундай умидсизликни бошдан кечирдим. Бундай пайтларда ўзингизни ёлғиз ҳис қиласиз, бу жуда қийин. Тезроқ тузалиб, кучли бўлинг ука. Мен сизнинг энг яхши ҳолатингизга қайтишингизга шубҳа қилмайман" деб ёзди "аристократлар" сардори собиқ жамоадоши ҳақида.
