«ПСЖ» бош мураббийи Луис Энрике жамоа дарвозабони Жанлуижи Доннарумманинг аҳволи ҳақидаги саволга жавоб берди.
Эслатиб ўтамиз, Франция чемпионатининг 16-тури доирасидаги ўйинда италиялик футболчининг юзига бутсилар билан зарба берилганди, шу сабаб у учрашувни давом эттира олмади. Доннарумманинг тикланиши икки ҳафта давом этиши хабар қилинганди.
«Яхши, ҳозир у оғриқ сезмаяпти. Бахтимизга зарба кўзига тегмади. Ҳамма ҳаммасини кўрди, бу ерда изоҳ берадиган ҳеч нарса йўқ», - дея Энрикенинг сўзларини келтиради «RMC Sport».
