Диего Симеоне сафарда "Барселона" устидан қозонилган ғалабадан (2:1) хурсанд.

"Мен бахтлиман, ёлғон гапирмаяпман. Жамоа очко йўқотиши мумкин эди, "Барселона" жуда зўр ўйнади, доимий ҳужумда. Бугун бир қанча футболчилар ҳимояда аъло даражада ўйнашди, айниқса Облак. Шу туфайли биз омон қолдик.

Иккинчи бўлимда биз яхшироқ ўйнай бошладик. Барриосда яхши имконият бўлди ва ҳисобни тенглаштирди. "Барселона"да қулай вазиятлар жуда кўп эди, аммо омад бизга ёрдам берди. Шунчалик кўп ҳужумга учраганингда саросимага тушишинг мумкин эди, биз сабр қилдик ва қарши ҳужумдан унумли фойдаланиб, ажойиб гол урдик. Сёрлот ажойиб гол урди", - дейди "Атлетико" бош мураббийи.