"Манчестер Сити" ҳимоячиси Йошко Гвардиол тиғиз тақвим ҳақидаги саволга жавоб қайтарди.
Хосеп Гвардиола жамоаси ғайритабиий даражада ёмон натижалар кўрсатмоқда - сўнгги 12 учрашувда 9 та мағлубият.
"Ҳар уч кунда ўйнаш жуда чарчатади. Айтишим мумкинки, барчамиз бу жадвалдан чарчадик. Ўйлайманки, янги йил бошидан ҳаммаси бироз бошқача бўлади.
Бундай босимга дош бериш қийин. Биз нима бўлаётганидан хабардор бўлишимиз керак, лекин биз ўлаётганимиз йўқ - биз шунчаки ўйинларда ғалаба қозонмаяпмиз", - дея хорватиялик футболчининг сўзларидан иқтибос келтиради инглиз ОАВлари.
