"Ливерпуль" бош мураббийи Арне Слот турнир жадвалидаги вазият ҳақида ўз фикрларини билдириб ўтди.

Мерсисайдликлар 17-турда "Тоттенхэм"ни 6:3 ҳисобида мағлуб этиб, пешқадамликни мустаҳкамлади. Эндиликда "қизиллар" бир ўйин захираси билан иккинчи ўриндаги "Челси"дан 4 очко олдинда.

"Бу бизнинг жуда яхши жамоа эканлигимиздан далолат беради. Биринчи давра тугашига ҳали учта ўйин бор, лекин бу ерга келиб, бугунгидек ўйнасангиз, сизни мағлуб этиш осон бўлмаслиги аниқ. Аммо агар чемпионликни қўлга киритиш осон бўлса, ҳамма буни уддалай оларди", деди Слот Sky Sports нашрига.