"Рома" бош мураббийи Клаудио Раньери Италия чемпионатида "Парма" билан ўйиндан сўнг жамоа марказий ҳимоячиси Матс Хуммельс ҳақида ўз фикрлари билан ўртоқлашди. “Бўрилар” 5:0 ҳисобида йирик ғалабага эришди.
"Мен нима дейишим мумкин? Матс жаҳон чемпионати ғолиби ва Чемпионлар лигаси финалида ўйнаш тажрибасига эга. Хуммельс бир ҳафта давомида гриппдан тузалиб кетган эди, шунинг учун у машғулот ўтказмади. У тайёр бўлгач, уни жамоага қайтардим", - деди мутахассис.
Ушбу ғалабадан сўнг римликлар 19 очко жамғариб, Италия чемпионати турнир жадвалида 12-ўринни эгаллаб турибди.
