"Барселона" Испания чемпионатининг 11-тури доирасида "Реал"ни меҳмонда мағлуб этди. Ўша учрашув 4:0 ҳисобида якунланган.
Ўшандан бери "Барселона" Испания Ла Лигасида саккизта ўйин ўтказди ва уларда фақат иккита ғалабага эришди. Каталонияликлар икки бор дуранг ўйнаб, тўрт марта мағлубият аламини тотиб кўрди.
Мумкин бўлган 24 очкодан Ханси Флик шогирдлари бор-йўғи 8 очко тўплашди. "Реал Мадрид"га келадиган бўлсак, жамоа бешта ғалаба қозонди, бир марта дуранг ўйнади ва бир учрашувда мағлуб бўлди.
Ҳозирда “Барселона” учинчи ўринга тушиб кетган, “Реал” эса иккинчи ўринда.
