Оскар етти йилини ўтказган Хитой лигасида ҳақиқий тирик афсонага айланди. Декабрь ойи бошида собиқ "Челси" ўйинчиси янги клубини кутар экан, мухлислари билан кўз ёшлари билан хайрлашди.
Globo Esporte хабарига кўра, 33 ёшли футболчининг келажаги энди ватани Бразилия билан боғлиқ. Ярим ҳимоячи катта эҳтимол билан "Сан-Паулу"га ўтади.
Бу йил Оскар “Шанхай Порт” сафида 40 та ўйинда майдонга тушиб, 16 та гол ва 31 та голли узатмага муаллифлик қилган. “Қизил бургутлар” таркибида бразилиялик уч марта чемпионликни, бир мартадан Хитой кубоги ва Суперкубогини қўлга киритган.
