"Эвертон" "Барселона", "Челси" ва "Бавария" клубларининг қизиқишларини тўхтатиш учун Жордан Пикфордга ноёб таклиф билан чиқишга тайёр, дея хабар беради TBR.
30 ёшли англиялик футболчининг трансферини кўриб чиқаётган клублардан бирига ўтишига йўл қўймаслик учун мерсисайдликлар унга фаолиятининг охиригача - камида 2030 йилгача вариант билан "Гудисон Парк"да қоладиган шартнома таклиф қилмоқчи.
Дарвозабоннинг амалдаги шартномаси 2027 йилнинг ёзига қадар тузилган.
"Эвертон" футболчини фаолиятининг охиригача жамоада қолишга кўндира олишига ишонмоқда.
Жорий мавсумда дарвозабон клуб учун 9 та ўйинда 21 та гол ўтказиб юборган.
