"Ливерпуль" ҳужумчиси Муҳаммад Салоҳ жамоадоши Дарвин Нуньеснинг ўйинидан ҳайратда.
Уругвайлик футболчини ёмон ижро ва номувофиқ ўйинлари туфайли тез-тез танқид қилишади. 25 ёшли форвард жорий мавсумда "қизиллар"нинг асосий таркибида доимий ўринга эга эмас, шу боис ОАВда унинг яқин орада кетиши ҳақида гап-сўзлар бор.
Салоҳ Нуньесни қўллаб-қувватлайди. Ҳужумчилар ўртасида ажойиб тушуниш бор. Агар Муҳаммад шартномасини узайтирса, Дарвин "Ливерпул"да қолиш эҳтимоли юқори.
Ушбу мавсумда Нуньес Арне Слот жамоаси учун 22 ўйинда тўртта гол урди ва учта голли узатмани амалга оширди.
