Англиянинг "Ливерпуль" клуби қишки трансфер ойнасида фаол ҳаракат қилишни режалаштирмаяпти. Бу ҳақда журналист ва инсайдер Фабрицио Романо ижтимоий тармоқларда хабар берди.
Манбага кўра, Арне Слот жамоасида ўта қулай вазият бўлсагина вазият ўзгариши мумкин. Қайд этилишича, айни дамда мерсисайдликлар яхши таркибга эга.
"Қизиллар" "Лион"нинг ҳужумкор ярим ҳимоячиси Райан Шеркига ҳам қизиқиш билдиришмоқда. Бироқ, клуб 21 ёшли франциялик футболчининг ривожланишини бир неча ой давомида кузатаётганига қарамай, улар трансферга шошилишмаса керак.
"Ливерпул" 16 ўйинда 39 очко жамғарган ва Англия Премьер-лигаси турнир жадвалида пешқадамлик қилмоқда.
