Симоне Индзаги қўл остида "Интер" бир нечта ички совринларни қўлга киритди ва ўтган йили Чемпионлар лигаси финалчиси ҳам бўлди. "Нерадзурри"лар президенти Беппе Маротта италиялик мураббийнинг ўз клуби учун муҳим ролини таъкидлади.
"Симоне ўзини ажойиб профессионал ва жуда ақлли шахс сифатида кўрсатди. У оёқ учида, жимгина, жуда муҳим ролга мослашди ва натижалар билан ўсди. Асосий жиҳатлардан бири бу унинг етакчи эканлигини тан олишдир.
Агар сизда ўн битта истеъдод бўлса, сиз ҳеч қандай мусобақада ғалаба қозонолмайсиз. Жамоавий спортнинг аҳамияти ёшлар ва тажрибалилар ўртасида уйғунлик яратишдадир. Бизда ёшларнинг фаоллиги, ёшларнинг шижоати, катталарнинг тажрибаси ва донолиги бор", - дейди Маротта.
"Интер" навбатдаги ўйинни 28 декабрь куни сафарда “Кальяри”га қарши ўтказади.
