"Интер"нинг чап қанот ҳимоячиси Федерико Димарко "Манчестер Юнайтед"нинг трансфер мақсади бўлиб қолмоқда.
"Қизил иблислар" ҳимояда қийналмоқда ва бош мураббий Рубен Аморимнинг фикрича, ечим янги чап қанот ҳимоячиси билан шартнома имзолаш бўлиши мумкин. FcInterNews хабарига кўра, Димарко португалиялик мураббий учун бозордаги устувор вариант ҳисобланади. Мутахассис ўжарлик билан италияликни қишки трансфер ойнасида сотиб олишни талаб қилмоқда.
Transfermarkt маълумотларига кўра, Федерико Димарконинг нархи 60 миллион еврони ташкил қилади. 27 ёшли футболчи "нерадзуррилар" билан 2027 йилгача мўлжалланган шартномага кўра боғланган.
