"Манчестер Юнайтед"нинг собиқ футболчиси Криштиану Роналду Рубен Аморимнинг ютуқлари ҳақида гапирди. Португалиялик мураббий ўз ватанида Лиссабоннинг "Спортинг" клубида ишлаган ҳолда муваффақиятга эришди ва ноябрь ойида у "Манчестер Юнайтед"га келди.
"Аморим Португалияда менинг “Спортинг” жамоам билан ажойиб иш қилди, аммо Премьер-лига бутунлай бошқа даража. Бутунлай бошқа лига, дунёдаги энг рақобатбардош лига", - дея Роналдунинг сўзларини келтиради журналист Фабрицио Романо.
Рубен Аморим қўл остида ўтган ўнта учрашувда “қизил иблислар” тўрт марта ғалаба қозонган, бир марта дуранг ўйнаган ва беш марта мағлуб бўлган.
