Лондоннинг "Арсенал" клуби дарвозабони Давид Райя яқин ўтмишдаги ҳалокатли ўйинни эслади. 2023 йилнинг декабрида “канонирлар” “Лутон Таун”ни меҳмонда мағлуб этишди (4:3), аммо бу испаниялик дарвозабон учун энг ёқимли хотиралардан эмасди.
"Лутон"га қарши сафардаги ўйин фаолиятимдаги энг ёмон ўйинлардан бири бўлди. Шундан сўнг мен вазиятни тузатишга ҳаракат қилдим", - дея 29 ёшли футболчининг сўзларини инглиз ОАВлари хабар қилди.
Давид Райя 2023 йилнинг августидан буён "Арсенал"да ўйнамоқда. Жорий мавсумда у 24 та ўйинда майдонга тушиб, 20 та гол ўтказиб юборди.
