"Барселона" ярим ҳимоячиси Дани Ольмо Каталония клубини тарк этишга яқин турибди.
Олдинроқ "кўк-анорранглилар" 26 ёшли футболчини молиявий қийинчиликлар туфайли рўйхатдан ўтказа олмагани хабар қилинганди.
Журналист Педро Моратанинг фикрича, "Камп Ноу"даги ВИП ўриндиқларни сотиш бўйича келишув "Барселона"га Ольмони мавсумнинг иккинчи қисмида рўйхатдан ўтказишга ёрдам бермайди.
Манбага кўра, фақатгина "Барселона" ва Nike ўртасидаги янги шартнома вазиятни сақлаб юмшатиши мумкин. Бунда клубнинг камида 80-85 миллион евро топиши талаб этилади.













