"Барселона" Ламин Ямал Испания Суперкубоги учун вақтида тузалиб кетишига ишонмоқда.
Вингери декабрь куни "Леганес"га қарши ўйинда (0:1) тўпиғидан жароҳат олган ва "Атлетико"га қарши ўйинда иштирок эта олмаганди.
Хабар қилинишича, Ямал 3-4 ҳафтани ўтказиб юбориши мумкин, бу эса унинг Испания Суперкубогидаги иштирокини шубҳа остига қўйган.
Marca нашри хабарига кўра, "Барселона" бунга оптимизм билан қарамоқда ва 8 январь куни Саудия Арабистонида бўлиб ўтадиган "Атлетик"га қарши Суперкубок ярим финал учрашувида Ямал ўз вақтида тузалиб кетишини кутмоқда.
Футболчининг тикланиш жараёни яхши кетмоқда, бир неча кундан кейин Ламин қолган футболчилар билан машғулотларга қайтиши керак.
Шунга қарамай, клуб эҳтиёткорлик билан ҳаракат қилмоқчи. Ямални таркибга қўшиш ёки қўшмаслик бўйича қарорни Ханси Флик қабул қилади.
