Мадриднинг "Реал" клуби марказий ҳимоячиси Давид Алаба жиддий жароҳатдан сўнг сафга қайтмоқда.
Австриялик футболчи 2023 йилнинг декабрида хочсимон боғламини йиртиб олиб, сафдан чиққанди. Marca хабарига кўра, 32 ёшли футболчининг тузалиши якунланган ва у 30 декабрь куни "Лос-Бланкос" таътилдан қайтганида, қолган жамоа билан тўлиқ машғулот ўтказиши кутилмоқда.
3 январь куни Карло Анчелотти шогирдлари Ла Лига доирасида сафарда "Валенсия"га қарши баҳс олиб боради.













