"Ливерпуль" Трент Александр-Арнольд билан шартномани узайтиришга ҳаракат қилади.
Аввалроқ мерсисайдликлар қишки трансфер ойнасида ҳимоячини трансфер қилиш бўйича Мадриднинг "Реал" клуби таклифини рад этгани маълум бўлганди. Трентнинг шартномаси июнь ойида тугайди.
Marca хабарига кўра, "Ливерпуль" тез орада Трентга шартномани узайтириш таклифини юборади.
Қайд этилишича, клуб унга "ўта юқори" маош таклиф қилишни режалаштирмаяпти - мерсисайдликлар ҳимоячининг маошини бироз кўтаришга тайёр, ҳозирда бу йилига тахминан 11 миллион еврони ташкил этади.
Шу билан бирга, "Реал Мадрид" ҳам ҳимоячи учун таклиф тайёрламоқда - аввалроқ мадридликлар Трент билан ёзда эркин агент сифатида трансфер бўйича дастлабки шартнома имзолашга умид қилаётгани ҳақида хабар берилганди.
