"Барселона" ҳужум чизиғини кучайтириш учун устувор футболчини аниқлади.

Sport.es нашрининг ёзишича, Каталония жамоасининг асосий мақсади "Ливерпуль" ҳужумчиси Луис Диас бўлиб, спорт директори Деку Колумбия терма жамоаси футболчисининг футболчилик қобилиятини Нико Уильямс ("Атлетик Билбао"), Хвича Кварацхелия ("Наполи") ва Рафаэль Леауникидан ("Милан") юқори баҳолаган.

Эслатиб ўтамиз, колумбиялик футболчининг мерсисайдликлар билан шартномаси 2027 йилнинг ёзига қадар амал қилади. Transfermarkt унинг нархини 85 миллион еврога баҳоламоқда.