"Арсенал" бош мураббийи Микель Артета "Брентфорд"га қарши АПЛнинг сўнгги ўйинида ярим ҳимоячи Деклан Райс нима учун захирада майдонга тушгани ҳақидаги саволга жавоб берди.
"Райсга келсак, бу асосан у кўп футбол ўйнагани учун. Бу даврда биз тўққизта ўйин ўтказдик, сўнгги бир неча ўйинда эса Райсда муаммолар бор эди. Биз ҳар бир футболчининг ўйин вақтини бошқаришимиз керак ва Райс бундан мустасно эмас", деди Артета жума куни бўлиб ўтган матбуот анжуманида.
"Арсенал" Англия чемпионати доирасидаги навбатдаги ўйинини 4 январь, шанба куни сафарда "Брайтон"га қарши ўтказади.
