"Ан-Наср" ҳужумчиси Криштиану Роналду 30 январга қадар ўз келажагини ҳал қилишга интилади, деб ёзади AS CNN телеканалига таяниб.
39 ёшли португалияликнинг шартномаси 2025 йилнинг 30 июнида тугайди ва ҳозирда у бошқа клублар билан музокаралар олиб бориши мумкин.
Аввалроқ "Ал-Ҳилол" Роналдуга қизиқиши ҳақида маълумотлар бор эди ва бундай трансфернинг афзалликларидан бири "Ал-Ҳилол"нинг "Ан-Наср"дан фарқли ўлароқ клублар ўртасидаги жаҳон чемпионатида иштирок этишидир.
Бу мавсумда Роналду клуб ва терма жамоа сафида 24 та ўйинда 21 та гол урди ва 4 та голли узатмани амалга оширди.
