ОКМК профессионал футбол клуби марказий ҳимоячиси Авазбек Ўлмасалиев билан шартнома муддати икки йилга узайтирилди. Эндиликда тажрибали футболчи 2026 йилнинг сўнггига қадар «кончилар» шарафини ҳимоя қилади.

Авазбек Ўлмасалиев 2024 йилги Суперлига мавсумида ОКМК ФК сафида 13 ўйинда майдонга тушиб, жами 1074 дақиқа давомида самарали ҳаракат қилган ва 2 та гол урган. Шунингдек, ҳимоячи Ўзбекистон Кубоги баҳсларида 3 та ўйин ўтказиб, жами 267 дақиқа давомида майдонда ҳаракатланган ва 2 бор голли узатмани амалга оширган.

"24 ёшли иқтидорли футболчи Авазбек Ўлмасалиев ОКМК ФК жамоасининг аҳил оиласида ўзининг муҳим ўрнини мустаҳкамлаб, жамоанинг стратегик режаларида асосий фигуралардан бири сифатида фаолият олиб бормоқда. Унинг барқарор ўйини, ишончли ҳимояси ва майдондаги етакчилик қобилиятлари нафақат жамоа мураббийлари ва раҳбарияти томонидан, балки клуб мухлислари томонидан ҳам юксак эътирофга сазовор бўлиб келмоқда", — дейилади ОКМК матбуот хизмати тарқатган хабарда.