"Рома" Давиде Фраттезига алоҳида қизиқиш билдирмоқда.

Журналист Жанлука Ди Марционинг ёзишича, ярим ҳимоячи римликларнинг таклифини тинглашга тайёр, чунки у "Интер"даги ҳолатидан норози. У жорий мавсумда барча мусобақаларда 21 та ўйинда майдонга тушди, шундан 8 тасида асосий таркибда майдонга тушди.

Италиялик футболчи 2017 йилнинг ёзида "Сассуоло"га сотилишидан олдин "Рома"да ёшлар даражасида ўйнаган. Қайд этилишича, Рим клуби футболчини "Интер"га ўтишидан олдин ҳам қайтаришга ҳаракат қилган эди.

Айни пайтда "Интер" Фраттезини қишки трансфер ойнасида сотиш ниятида эмас. Бундан ташқари, ўтган ёзда киритилган сармоялар ҳисобга олинган ҳолда, унинг қиймати юқори баҳоланади. Давиденинг амалдаги шартномаси 2028 йилгача мўлжалланган.