"Манчестер Сити" "Ланс" клуби марказий ҳимоячиси Абдуқодир Хусановни сотиб олишга қарор қилинса, "Ланс"нинг молиявий талабларини қондиришга тайёр. Бу ҳақда Mirror нашри хабар бермоқда.
Манбанинг хабарига кўра, "Ланс" ҳамюртимиз учун 20 миллион евро сўраган. "Шаҳарликлар", агар клуб ниҳоят Хусанов номзоди бўйича қарор қабул қилса, келишув осонликча амалга ошишига ишонишади, чунки "Ланс" бу қишда трансферлардан пул олишга қизиқмоқда.
Абдуқодир 2023 йилдан буён "Ланс" жамоасида ўйнаб келмоқда. Футболчининг клуб билан шартномаси 2027 йилгача мўлжалланган.
Жорий мавсумда Хусанов "Ланс" сафида барча турнирларда 16 та ўйин ўтказиб, битта голли узатмани амалга оширди.
