"Манчестер Сити" бош мураббийи Пеп Гвардиола "Вест Хэм"га қарши ўйин натижаларини сарҳисоб қилди.
АПЛнинг 20-туридан ўрин олган баҳсда “шаҳарликлар” 4:1 ҳисобида зафар қучди.
"Йўқ биз аввалги ўша ўйинимизга қайтмадик. Ғалаба қозониш ёқимли, лекин биз ҳали ҳам турли сабабларга кўра аввалгидек ўйнамаяпмиз. Бу натижа бизга ёрдам беради. Биз қийинчиликларни бошдан кечирмоқдамиз, аммо бу ғалаба бироз енгиллик келтиради.
Охирги пайтларда натижалар билан боғлиқ муаммоларга дуч келдик, аммо охирги ўйинларда иккита ғалаба яхши, кетма-кет учта ўйинда мағлуб бўлмадик.
Биринчи голда омадимиз келди, биринчи дақиқаларда рақиб яхшироқ ўйнади, бир-иккита гол ўтказиб юборишимиз ҳам мумкин эди. Иккинчи гол бизга ёрдам берди, бу ақл бовар қилмайдиган гол эди, лекин биз ҳали ҳам аввалгидек эмасмиз" - деди Гвардиола.
