"Мальорка"нинг ўнг қанот ҳимоячиси Пабло Маффео Винисиус Жуниорга рингда имконият қолдирмаслигига ишонмоқда.
Август ойида аргентиналик футболчи "Реал" форвардига нисбатан қўполлик қилган ва бунинг учун узр сўраган эди. Маффео, шунингдек, юлдуз бразилияликни дунёнинг энг яхши футболчиси деб билишини тан олди.
Бироқ, 27 ёшли футболчининг сўзларига кўра, у боксда "лос-бланкос" ҳужумчисидан сезиларли даражада устундир: "Бокс учрашувида мен Винисиусни ўн сонияда нокаутга учратардим", - дея Маффеонинг сўзларини келтиради Madrid Universal нашри ўз интервьюсида.
9 январь куни "Мальорка" Испания Суперкубоги ярим финалида "Реал"га қарши майдонга тушади.
