Кристиан Стеллини “Наполи”нинг А Сериядаги етакчилигига баҳо берди.
Неапол клуби ёрдамчи мураббийи “Фиорентина” устидан қозонилган ғалабадан кейин (3:0) ўз фикрларини билдириб ўтди.
"Бу йигитларимизнинг меҳнатсеварлигидан далолат берувчи муҳим белгидир. Биз улар қилаётган ишларидан жуда фахрланамиз.
Биз 19 турда 44 очко тўпладик, буни мавсум бошида тасаввур қилиб бўлмасди, шунинг учун биз футболчиларни фақат табриклашимиз ва худди шундай руҳда давом этишимизга умид қилишимиз мумкин", - деди Стеллини.
"Наполи" бош мураббийи Антонио Конте лейкемия билан курашаётган 13 ёшли мухлис Даниэланинг вафоти туфайли ўйиндан кейинги матбуот анжуманини ўтказиб юборди.
