"Реал Мадрид" бош мураббийи Карло Анчелотти "Депортива Минера"га қарши ўйинда дарвозабон Андрей Лунин жамоанинг асосий таркибида бўладими ёки йўқлигини айтди.
"Ҳа, Лунин эртага майдонга тушади, чунки Куртуа яхши дам олиши ва тикланиши керак. Лунин чемпионатда, кубокда ёки Чемпионлар лигасида ўйнай олади, шунинг учун уни фақат кубокда ўйнайди деб айта олмайман", - деди Анчелотти Madrid Universal билан суҳбатда.
Жорий мавсумда 25 ёшли дарвозабон барча мусобақаларда бешта учрашувда иштирок этиб, саккизта гол ўтказиб юборди ва икки бор ўз дарвозаси даҳлсизлигини сақлаб қолди.
"Депортива Минера" ва "Реал Мадрид" ўртасидаги Испания кубогининг 1/16 финал босқичидан ўрин олган учрашув 6 январь куни Тошкент вақти билан соат 23:00да бошланади.
