Мадриднинг “Атлетико” клуби спорт директори Андреа Берта жамоани тарк этди.
Италиялик мутахассис ва Мадрид клуби шартномани бекор қилиш борасида келишувга эришди.
Берта "Атлетико"га 2013 йилда "Женоа"дан келиб қўшилган эди. У дастлаб халқаро скаутлар бўлимига ишга кирди ва кейинчалик клубнинг техник директори лавозимини эгаллади.
2017 йилда у Хосе Луис Перес Каминеро ўрнига спорт директори бўлди.
Андреа Берта даврида “Атлетико” Испания кубоги (2013), икки марта Ла Лига (2013-14 ва 2020-21), Испания Суперкубоги (2014), УЕФА Европа Лигаси (2017-18) ва УЕФА Суперкубогини қўлга киритган (2018) қўлга киритди.
"Биз Андреага ушбу 11 йил давомида қилган саъй-ҳаракатлари, фидойилиги ва садоқати учун миннатдорчилик билдирмоқчимиз ва унга янги профессионал босқичида энг яхши тилакларни тилаймиз", дейилади клуб баёнотида.
