"Кристал Пэлас" марказий ҳимоячиси Трево Чалоба "Челси"га қайтиши мумкин. Бу ҳақда журналист Бен Жейкобс хабар бермоқда.
Манбага кўра, "кўклар" ҳимояни кучайтириш вариантларини қидирмоқда, жумладан, 25 ёшли Чалобани ижарадан қайтариш имконияти ҳам кўриб чиқмоқда. Бироқ ҳозирча ҳеч қандай қарор қабул қилинмаган ва "бургутлар" ҳимоячини мавсум охиригача сақлаб қолишни истайди, дея таъкидлайди манба.
Жорий мавсумда Чалоба барча турнирларда 14 та учрашувда иштирок этиб, 3 та гол уришга эришди. Футболчининг "Челси" билан амалдаги шартномаси 2028 йилнинг ёзига қадар тузилган. Эслатиб ўтамиз, аввалроқ "Челси" яна бир марказий ҳимоячи Аарон Ансельминони ижарадан қайтарган эди.
