"Ливерпуль"нинг ўнг қанот ҳимоячиси Трент Александр-Арнольдга трансфер бозорида талаб катта.

26 ёшли футболчи ҳали 6 ойдан кейин тугайдиган шартномасини узайтиргани йўқ. Kicker маълум қилганидек, "Бавария" вазиятни кузатиб бормоқда. Мюнхенликлар агар Александр-Арнольд "Ливерпуль" билан ҳамкорликни давом эттириш борасида келишувга эриша олмаса, уни эркин агент сифатида сотиб олиш имкониятини кўриб чиқмоқда. Бироқ юлдуз инглиз учун асосий даъвогар "Реал Мадрид" бўлиб қолмоқда.

Трент "Ливерпуль" сафида ушбу мавсумда 24 та ўйинда майдонга тушиб, 1 та гол урди ва 5 та голли узатмани амалга оширди.